हमरा आँखी में लोर के जहान बाटे
जेकरा बाटे खाके पी के उतान बाटे
आ हमरा घर में नून ना पिसान बाटे।
केहू बाकि अंगूरी से चान देखावता
हमरा आँखी में लोर के जहान बाटे।
बड़ी मोसकिल से गंजी किना जाला
उनुका एह पीर के का अनुमान बाटे।
लाद के बात त लादे में हंउड़त बाटे
सीअल ओठ आ हमार जुबान बाटे।
कठरेज के चिन्हे के बा एह जुग में
हमरा छूँछ के कवन आसमान बाटे।
ताल अलगे महंगी देत बिया विद्या
मन इहे सोच-सोच के झवान बाटे।
विद्या शंकर विद्यार्थी
रामगढ़, झारखण्ड
