दूबर बाटे सबसे किसान देशवा में
रानी भरल खलिहान ई चइतवा में,
लिट्टी-चोखवा लगाउतू यही खेतवा में।
लूहिया-लुहान से ई नाचाला कपरवा,
हमरे पसीनवाँ से लूटै ऊ लहरवा।
दूबर बाटे सबसे किसान देशवा में,
लिट्टी-चोखवा लगाउतू यही खेतवा में।
रानी भरल खलिहान ई चइतवा में,
लिट्टी-चोखवा लगाउतू यही खेतवा में।
ठारी पड़े, हाड़ काँपे, होलै तब किसनियाँ,
बदरा के बीचवा से गिरैलै बिजुरिया।
खइहैं हेली-मेली आज सुना सथवा में,
लिट्टी-चोखवा लगाउतू यही खेतवा में।
रानी भरल खलिहान ई चइतवा में,
लिट्टी-चोखवा लगाउतू यही खेतवा में।
बैंगन, टमाटर, हरी-धनिया, मिर्ची डलिहा,
सतुआ कै पिट्ठी एक औसत से भरिहा।
देशी घिउवा मिलाया वही अटवा में,
लिट्टी-चोखवा लगाउतू यही खेतवा में।
रानी भरल खलिहान ई चइतवा में,
लिट्टी-चोखवा लगाउतू यही खेतवा में।
दुधवा औ पुतवा से भरल किसनवाँ,
सीमवाँ पे लड़े जानै यहीं से जवनवाँ।
भले जिनगी बीतलै वही रेतवा में,
लिट्टी-चोखवा लगाउतू यही खेतवा में।
रानी भरल खलिहान ई चइतवा में,
लिट्टी-चोखवा लगाउतू यही खेतवा में।
