डॉ. राही की कविताएं | Dr. Rahi Hindi Poetry
राजनीतिक बहर
(हरियाणवी बहर)
और किसे का मोर बणाकै
आपणा उल्लू सीधा चाह् वैं ।
घाल हल़ाई बांगी टेढ़ी
उसनै सीधी राह बतावैं।।
मैं हे कल्याण करूंगा थारा
आपणी बिद्या ठीक बतावैं ।
जनसेवा के करकै वादे
सत्ता रसमल़ाई खावैं।।
सीधी बात करणिया दीखैं
जलेबी ज्यूं उल़झे पावैं ।
भोल़ी जनता बीच म्है फंसगी
ना न्यूं बेरा ईब कित जावैं ।।
बोल़ी कुत्ती बैल़ नै भोंसै
कदे परुआ कदे पछुआ आवैं ।
सुण-सुणकै नै बोल़े होगे
चल ‘राही’ बहरे बणज्यांवैं ।।
ओ ताऊ थाम चाल़े करगे
(हरियाणवी कविता)
ताऊ ओ ! थाम चाल़े करगे
घणे कसूते माणस थे
जो कमांदे कमांदे मर गे।
लोही पाटी हल़ जोत सबेरे
हाथें बहाया करदे !
नूल़ा काढणा,पैरी करणा
फल़सी चलाया करदे।
खून चले करदे बुल़दां के पैरां म्है
थाम किसी कष्ट कमाई करगे।।
ताऊ ओ ! थाम चाल़े करगे……….
ना पहरण का ना ओढण का
ना कदे खाण-पीण का चा~~
कदे खब्बे पैर,कदे सोल़े हाथ
तेरै बारहमासी घा~~
सारी उम्र रह् या दु:ख गात म्है
थाम इसी नीम झराई करगे।।
ताऊ ओ ! थाम चाल़े करगे……..
ताऊ-ताई टको टकी और
चलो चली म्है मरगे ।
सारी उम्र के जमीदारे म्है भी
बाल़कां के सिर कर्जा करगे।
कर काल़े हाड़, लहू पसीना आपणा
साहूकारां क धरगे ।
ताऊ ओ ! थाम चाल़े करगे…….
लेखन का अता-पता
मैं !
लिखता हूं
तुमको पता है ।
तुम !
लिखते हो
मुझको पता है ।
मैं !
क्या लिखता हूं
ना तुमको पता है ।
तुम !
क्या लिखते हो
ना मुझको पता है ।
क्यों ?
क्योंकि !
ना तुमने
मुझको पढ़ा है ।
ना मैंने
तुमको पढ़ा है ।।
डॉ. जगदीप शर्मा राही
नरवाणा, हरियाणा।
यह भी पढ़ें :-
